90-Day Emergency Electricity Savings Policy
Ilo an Kien eo jerbal e wōt apañ ko jej iooni ālikin an kar diwōjḷọk State of Economic Emergency eo ilo March 26, 2026, eṃōj an Cabinet eo approve i ilo Special Cabinet meeting eo aer ilo Bōḷaide, April 10 raan eo bwe jinoe jen April 10, 2026 aolep Opiij ko an Kien ren kun ilo 3:00PM mae May 12, 2026 – iuṃwin 1 allōñ.
Kien ej customer eo eḷaptata an MEC, im unin kakien in ej ñan an Kien eo jipañ kadikḷọk an kōjerbal jarom ilo awa ko eḷaptata kōjerbal jarom – ilo wawein in enej aetokḷọk kitien an pād kaan eo ipan MEC ilo tōre in eṃōj an kālōñḷak wōnen kaan ilo peḷaakin laḷ in.
- Kōn menin, awa in ṃōñā in rāelep eo an kajojo rijerbal enej kiō mandatory awa in jerbal. Jouj im boktok kijōm ñan jikin jerbal.
- Ilo 3:00pm, aolep air condition rej aikuj kun. Computer, monitor im printer ko ilo jikin jerbal eo rej aikuj kun im tūmi jen outlet ko kajjojo. Network servers ko im remenin aurok bwe ren jab kun, rej exempt akō rejab aikuj ḷoor wāween in.
- Rikaki ro, rijerbal ro kab ro rej lale jikuuḷ ko rej aikuj loloorjake bwe aolep light ko ilo kajjojo classroom im air condition ko kab aolep electronic ak men ko rej kōjerbal jarom ren kun ñe ededeḷọk jikuuḷ im mokta jen ami eṃṃakūt jen jikuuḷ eo.
- Keememej naan in kaiñ kein: Kune ñe kwōj eṃṃakūt. Ñe kwojjab kōjerbale, Kune.
- Kajjeoñ kōjerbal natural daylight akō meram in aḷ im kōjerbal wōt LED light ko ñe kwoj aikuj meram jen tōṃa ko.
EXEMPTION (Ro Rejjab Deḷoṇ ilo Policy in)
- Security Guard ro ilo Obij ko an Kien, SOE ko, im agency ko jet an Kien rejjab deḷoñ ilo policy in. Rej wōnṃaanlok wōt kōn jerbal ko aer.
- Taktō im ṇōōj ro im bareinwōt “essential workers” ro jet an jikin taktō rej bareinwot jab drelon ilo policy in. Rej aikuj jerbal ālikin 3 awa.
- Department ko me rej aikuj operate iuṃwin 24 awa einwōt MEC im MWSC rejjab bar deḷọṇ ilo Policy in.
- Essential workers ro wōt ilo doulul kein rejjab deḷoñ ilo policy in: Marshall Islands Police Department, Weather Services Operation, MOCIA’s V7AB, Division of Immigration, Ports Authority, im Ministry of Health and Human Services. Ri-jerbal ro jet ilo department ko jet ilowaan doulul kein rejjab exempt, rej aikuj ḷoore kakien in. Enaaj kuṇaan juon HOD kaalikkar wōn ej essential worker ilowaan doulul eo an.
KAJE KO
Aolep opiij ko an kien rej aikuj ḷoor policy in eṃōj an weppen jen Cabinet eo. Ne juon Opiij an Kien, SOE, ako agency ko an Kien rejjab ḷoor wāween kein kemelet ilo policy in, National Energy Authority (NEA) eo enaaj kōjjeḷaik ḷọk Opiij eo an Chief Secretary im Ministry eo an Finance ñan kabōjrak aolep travel ko ñan HOD eo, Chief Executive Officer eo im aolep rijerbal ro ilo Opiij eo. Policy in ejjab jelet ro im emenin aikuj bwe ren kōṃṃane jerbal ko an Kien ñan neighboring islands ko.
