Ilo Jadede Nobomba 4, 2023, His Excellency David Kabua, President eo an Republic of the Marshall Islands im jiton ro an ilo kwelak eo an Pacific Islands Forum Leaders ekobalak First Lady Ginger S. Kabua, Honorable Jack Ading, Minister eo an Foreign Affairs im Trade, Special Assistant nan President, Mr. Wesley Lokeijak im Opija eo an President Mr. Herby Tojar, Embassy eo an Majol ilo Fiji im jodrikdrik ro rekar bed ilo juon kajemlok eo iben drijerbal ro an MV Majuro eo ej bwojen jarak nan Majol. Burookraam eo ekar koman jan Ambassador Junior Anni RMI Embassy ilo Fiji im ekar bar bed Ambassador Albon Ishoda RMI Embassy ilo Korea bareinwot Pacific Ocean Commissioner Dr. Filimon Manoni im baamle eo an, ro mottar ilo Majol.
Ilo ien burookraam in, President Kabua im Foreign Minister Ading rekar kanono im lelak naan in kamoolol nan Crew eo an MV Majuro ekoba baamle ko aer kon kijejeto ko aer bwe en maron tobrak jerbal in waan Aelon in Majol bwe en bar jebelak tok nan RMI im komane buniton ko jabdrewot. Burookraam eo ekar wor ikkure, kojanjan, im iak-iakwe jan uwaan MV Majuro ro. //Jemlok//
