MAJURO, MARSHALL ISLANDS – December 4, 2025 – H.E. President Hilda C. Heine ear kenono ilo etan Kien eo ilo makitkit ko an ‘International Day of Older Persons’ eo im ekar kamman ilo National Track & Field eo ilo Jenrok.

Jabon kenan eo an rainin an rutto ej ba: “Rūtto Ro Rej Kabwijer Makitkit Ko Ilo Aeloñ Kein im Ipeļaakin Laļ In: Kejatdrikdrik, Jokane, Jimwe im Maroñ Ko Ad.”

Ilo kenono eo an President Heine, ear kwalok ke “Ilo ad kemem e rainin, juon raan aurok im jenolok nan rutto rein ad ilo Aelon Kein, jej koba iben droon kin buruen kamolol im iokwe. Jen kamolol rutto rein ad, ro remootlok im rein rainin, kin kibel, kijejetok im elaptata iokwe ko aer nan kojwoj elaptata aelon jidrik kein ad. Ejab jemlok ad kautiej, kaurok im kejbarok ir ien otemjej, enjab ilo rainin wot ak ilo aolep ran.

Rutto rein ad rej joor im lontan baamle ko ad, jukjuk in ber ko kab lal in ad. Rej ad rikabloklok im dri kejbarok manit, kajin im men ko bwinnid. Elab jelalokjen im kapeel ilo ir, enin Majol ej maron ekeke im kien e makke itok wot jen kijejetok im kate ko aer.”

Nan alooje program eo an 2025 International Day of Older Persons: https://www.youtube.com/live/BOysqUrbgro?si=ld2CwV3a5SDTM7B2