Press Releases Jebtomba 25, 2023 Majuro, Marshall Islands [Kajin Aelin Kein]
Acting President Kitlang Kabua ear eron kkur eo im na kitien pepa eo jen Ms. Tuya Altengerel Resident Representative eo jen United Nations Development Programme (UNDP) ilo International Convention Center (ICC) ijjo ekar bok jikin ilo Mandre Jebtomba 25, 2023.
Honorable Christopher J. Loeak, Minister in Assistant eo an President, Honorable Casten N. Nemra, Minister eo an jikin lale Jaan im Acting Minister eo an Foreign Affairs & Trade, drijerbal ro jen Kien im kab UNDP rekar maron bed ilo kkur eo.
Ilo ien bwebwenato eo, Acting President Kabua ekar karuwaineneik tok Ms. Altengerel kon naan in Iakwe im naan in jeramon ilo makutkut im jerbal ko renaaj bok jikin ilo Carlos Enebouj, Kwajalein ijjo enaj komane kobellak eo an UNDP’s ACWA project ikijen ukook den. Acting President im Minister rojet rekar maron kadreiklak jerbal in project nan bar Neighboring Islands nan ien irin in mora im kotto elap me remaron jelet ak kakure jukjukin bed ko ilo Majol in. Acting President ej reimaanlak ilo jerbal ko jabdrewot iben UNDP nan adwoj kokamanman aelon kein ad ilo Majol.
Ms. Altengerel ear ukote lok naan ko an Acting President Kabua ilo an kwalok an kile im kammolol kiin an Acting President eron kkur eo im ijjiton in an, im bareinwot kallimur ke enaaj burukuk im kate jonan wot an maron nan kokajur wot bujen jemjera eo an RMI im UNDP, ilan iio kein rej bedo tok bwe en wamourur. Ms. Tuya ej reimaanlak ilo jerbal ko jabdrewot iben RMI nan kokamanmanlak aelon kein ilo Majol.
