Majuro, Marshall Islands – Her Excellency President Hilda C. Heine delivered a powerful keynote address at the opening of the RMI National Socioeconomic & Climate Change Summit held at the International Conference Center on Tuesday, January 28, 2025.
In her remarks, President Heine emphasized the gravity of the summit, stating that it marks a defining moment in the nation’s history. Under the theme “Etal Tilperan E”, President Heine urged the nation to protect its progress and secure a prosperous future with unwavering resolve. President Heine outlined the profound challenges facing the Marshall Islands, including the existential threat of rising sea levels, the need for socioeconomic reform, and the urgency to restructure the economy for long-term resilience. “This summit is the foundation of that future. It must become a launchpad for decisive action, where words transform into tangible commitments.”
The President reiterated the importance of collaboration, from Majuro to the outer islands, to ensure no one is left behind. She called for action over planning, stating that the success of the summit would be measured by the ability to move from strategy to implementation.
The President concluded her address with a call for collective responsibility and determination, stressing that the time for action is now. “Let us be bold, let us act decisively, and let us protect the work that moves us forward.”
—
RMI National Socioeconomic and Climate Change Summit
“Etal Tilperan E”
Majuro, January 28, 2025
Iakwe komwoj aolep ilo jibbonin rainin.
Moktata ij likit ao naan in kile im kamolol nan Anij Jemed-Ilan ilo ao kobalok ipan Ri-kaki eo ear boktok jar eo adwoj ilo jibbonin rainin. Kamoolol e kin karok kein an nan kijwoj, ko jej monono kake im ej utiej buruwod ilo ad ippen doon maanwaj.
Ikonaan kile Chairman eo an Council eo an Irooj Chairman Lanny Kabua, Irooj im Lerooj rein im Owner eo, im aolep Iroj im Lerooj ro an Majol in ibelakin aelon kein im ijoko ilikin aelon kein. Ij bareinwot bar lewaj juon special kile eo uteej im kommolol nan Lerooj Esther Zedkaia, im in ear tin boktok enaan eo an ilo jibbonin rainin Iroij Yoland Jurelang kab Alap ro kab aolep Iroij im Leiroj ro aer Majuro in. Kamoolol bwe kijwoj maron kopa tok ipan doon. Kile bareinwot Iroij ro jet ilo bed eo.
Kile bareinwot nan Speaker Brenson Wase im Vice Speaker Zackhras, Cabinet Ministers ro, aolep Ri-kwelok ro kajojo ilo Nitijela eo im ro karejeraer.
Kile im kamolol Ri-kaki in Jemed eo ear boktok jar eo. Bareinwot kile aolep Ri-kaki ro otemjij kab Korein Ri-kaki ro.
Kile rein uaan diplomatic corp eo: Ambassador Hsia jen Taiwan, Ambassador Wilson jen Australia, Ambassador Stone jen Amedka im Ambassador Soma jen Japan. Bareinwot kile partner ro mottad jen doluul ko jet im rej bok kunaer ilo jipan Aelon Kein.
Ao naan in kile bareinwot im kautiej bareinwot nan Honorable Ladie Jack im Council eo an Majuro im aolepen Mayor rein rar kobatok ilo jibbonin rainin.
Kile ri lotok rein ad nan kwelok in – rein jen National Geographic Pristine Seas. Kojatdrikdrik ke komwoj nej rooltok alikin raelepen rainin nan ad loe aolepen film in – eo mwe ej kalikar jeramman kein ad im kalikar nan koj aurok eo bwe jen kejbaroke einwot ke rej pad wot ilo aer jejjot im aiboojoj!
Ikonan bareinwot kile ri lotok ro jen Independent Diplomat, ro rej letok kabilok nan koj ikijen climate change. Kamolol er kin aer kar maron kobatok im bok kunaer ilo kenono ko ilowaan wiik in.
Kile aolep ro jen Ministry ko kajojo, department ko an Kien im droulul ko an Kien, ro renej bok kunaer ilo kwelok in ilo wiik in. Aolep komwoj mwe kom ear itok jen aelon ko kajojo ilo belaak in Majol in. Kile bareinwot rijerbal ro an Kien, Chairman eo an Public Service Commission im aolepen Commissioner ro. Chief Secretary eo, im aolep jeban department ko. Kile komwoj aolep im kamolol kom kin ijoko konami bwe en tobrak kwelok in adwoj ilo nej wiik in.
Ien koba tok in ad ejenolo̗k ilo bwebwenato in Aelon Kein, Summit in ej kein karuo an Aelon Kein koba tok einwot in im etale ia in je pad ie im ia eo jej etal nan e. Tobrak in kwelok in ilo week in enaj letok juon pija eo e alikkar ia in jej etal ie lok ibwiljin elon melejon ko re itok imaan.
Unnin tel n̗e an kwelok in ej ba – “Etal Tilperan E” – eo ej kakememej koj bwe jej aikuj in lukkuun in kejparok tōprak im menin wōnm̗aan l̗o̗k ko em̗ōj ad tōpari im tiljek kōn jerbal ko jenaj plan i nan juon iliju eo bwe en emman lok im kajoor lok Aelon Kein!
El̗an̄n̄e enaj bwod kōttōpar ko jej karoki nan ilju im jeklaj eo ad, n̄e jenaj likjab in kejparoki jerbal kein emoj aer tobrak, elane jenej jerwaane juon men eo aurok im em̗m̗an, enej ad jerata eo. Bōtaab n̄e jenaj lukkun in kōl̗menl̗o̗kjen̗, kōm̗m̗ane jokālōt ko, im kejparok kōttōpar eo adwoj, jenaj maron̄ in em̗m̗akūt kōn kajoor in jipan̄ eo jen aolep ilo adwoj ipan doon im dijo im ukoj jerbal kein rellap. Ien in ad ippen dron enaj ejake pedped eo an iliju im jekl̗aj eo. Juon pedped eo jenaj kojatdrikrik ke enaj kajor.
Ekkar nan bonbon eo an lal in ad ilo 2021 eo, ko jej ekatak wot kaki ilo tore in, ewor jet oktak ko emoj aer bok jikier ilo Aelon Kein im rej alikar einwot in: emoj an iet lok armij in Majol kin jonan in jej ron 2.3% in an iietlok Rimajol; emoj an bareinwot laplok koppan bojo ko an kajojo family ekkar nan Census in jej jinoe etale. Kar ilo tore eo ekar jinoe komman census in, ekkar nan melele ko kar $5000 koppan bojo an juon baamle ak kio emoj an laplok jen jonan in. Jej bareinwot melele ke per capita income an Aelon Kein emoj an laplok nan jiljino taujin jima ilo torein jen kar mokta; Jej bar melele ke 9 ibwiljin 10 armij ewor at least juon an cell phone, jet elonlok jen juon; botap internet ejanin tobar aolep armej in Majol, botab elap ijo emoj an tobare ilo tore in. Melelein kojwoj ej maron kenono ipan doon im ronjake doon – ebidodo lok communicate jen kar mokta. Elon bar melele ko jet rej kwalok ia in je pad ilo tore in. Botab ilo aolep menin melijjon ko mwe jenej loi, ewor opportunity ak ial nan katok ine in letok jeramman im ad ippen doon enej wor juon kajoor eo jemaron in naj loe im maron na mejlan men otemjej. Iien in ej kalikar juon pedped in juon ijino nan kamman komakit im jenej kate koj bwe aolep naan ko adwoj ren maron oktak im eorom kalimur ko jenaj jetnaaki bwe ren tobrak. Jab baj kenono wot ako kommani bwe ren erom mool.
Kien in ej reiwaj nan kaipilok ko kom naj litok iloan week in maanwaj, bwe en kajoor adwoj jerbal ipan doon nan ad pukot juon ilju eo emanlok! Iar kenono ilo kobelok eo an Nitijela ke jen kojatdikdik botaab jenjab kipeldrikdrik. Iien jerbal. Jej bedwot ilo torein jerbal im kalok Aelon Kein!
Elukkun alikkar ta eddo kein adwoj:
Jej aikuj ejaake pedped in jerbal kein ad im ejaake juon eo enaaj kakobaik aolep sector ko – kien, kien in iolap im kien ko redrik, civil society, business, im ro m̗ōttad jen likin ak international partner ro ad n̄an ad jelm̗ae melijjon̄ im apan̄ kein jej iioni ilo aelōn̄ kein.
Jej aikuj m̗oktata kalimjek jerbal ko raaorōk ekkar n̄an aer alikkar ilo National Strategic Plan ak M̗ōn̗akjen In Jerbal eo, kōllaajraki, im kōm̗m̗an bwe aolep menin jipan̄ im kein jerbal ko, kapeel ko, im jerbal ko adwoj jen dron ren ippen dron n̄an ad maron̄ tōpar menin aikuj ko raaorōk an jukjukinped ko ad.
Jej aikuj rejan̄ armej ro jej jerbal ippeir ilo kajjojo laajrak bwe jen jerbal ippen dron, jen Majuro in n̄an aelōn̄ ko jet rettool̗o̗k bwe en ejjelo̗k ej wōtlo̗k, aolep maron ko ion bwidej im ro ilo Kien eo elap im kien ko redrik bareinwot. Kijwoj ej aikuj jibwe pein doon im jerbal ipan doon.
Tōprak eo an Summit in renaaj alikkar ilo wāwein ad em̗m̗akūt jen konono nan action, ak jerbal, ilo wāwein ad pepe n̄an kattori jerbal ak m̗akūtkūt ko emoj karoki. L̗am̗l̗am kein jej ejaaki rainiin rej aikuj in jet ko renaaj jerbal, wōr kuteeir, im ren jet ko rekobbwā.
Jen m̗ōk kalimjek l̗o̗k aikuj in an ien in: 1) Jej jelm̗ae an utiej l̗o̗k lojet ilo tōre in im jej loe ke ekauwōtata im jej bareinwot loe ipan partner eo ad ak Kien eo epaak e Aelon kein ke bwilen e oktak kolmenlokjen eo an jen kolmenlokjen ko ad ikijen oktakin mejatoto im jej aikuj bukot kilen ad jerbal ipan doon. Im jej aikuj kopalok ipan ritel ro ibelokin lalin mwe rej kajitok ipan President Trump bwe en bar reconsider Policy eo an ikijen Climate Change. 2) eddōk l̗o̗k eo an lal̗ in ad ej ped ilo atab im pen. Eben bwe eiiet lok armej, eiiet lok talent im ejabwe menin ad komakitkit i emakit ko ad nan boktok wonmaanlok. Elap an armij rein ad emakut jen Aelon Kein im kio ejabwe kapeel im armij nan kattore kottopar kein ad; 3) pelaak ko pelaakid rejjab erreo, lojet im ene jimor; im ejabwe ad taab ak komnani kil ko nan kalonlok mona ko kijed jen ene im lojet bareinwot. Jej kojatdrikdrik ke jet kolmenlokijen renej itok jen ipen rein rar itok nan letok jet kolmenlokijen ko rekaal bwe Kien en kolmenlokijen kaki kin kilen an kattori im bukot kilen mejlan aban kein.
Bōtaab, melijjon̄ kein rej letok ial n̄an ad bobooj juon ial̗ eo em̗m̗anlok im tiljek kijjeen wāwein mour im eddōk l̗o̗k eo im kōkajoor pelaakid jim̗or. Juon in wāwein im ial̗ n̄an ukōt m̗ōjn̗o̗ ko ad n̄an kajoor.
Ewi wāwein ad emakut im kōm̗m̗ane men kein?
Ilo ad drāpij wōt ijoko kon̗aad im tobrak ko rej letok jeramman im ilo ad jab kokkure jeramman kein. Elane jenaj kejbarok pelaak ko im waween mour im edoklok ko jimor nan iliju im jeklaj eo. Harness ak jibwe tok renewable energy – aolepen waween menin jeramman ko rej kapool koj im kojerbali jonan wot ad maron.
Ilo ad kobaik kōl̗menl̗o̗kjen̗ im kapeel ko raan kein ak technology im ejaak im kalōn̄ l̗o̗k jerbal, jipan̄ jikin jerbal ko, im kōkajoor l̗o̗k armej ro ad bwe ren maron̄ kōjōbwebweik iliju im jekl̗aj eo an Marshall Islands. Jen jab baj reilok wot nan ro jet ak jen jutaktok im bok ijo kunaad.
Ilo ad drāpij wōt aorōk in mour ilo Aelon Kein, pedped ion Iokwe im lale doon, kauteej doon einwot ad melele ke jet kein unin tel in mour an armij in Majol. Kautiej nan doon, Kautiej nan manit eo ad, kautiej kajin eo ad im lojet eo ad, n̄an epepen ko tokelik bwe ren kajor im ben.
SUMMIT in ej letok juon ijjino eo enaj ukot ad kolomenlokijen im jerbal nan Aelon Kein im nan doon, juon eo ej transformational ak elap kilaan nan ukot jokjok eo kio. Pepe kein jej komani iloan week in ej aikuj jet ko rej katok juon pedped ak juon foundation eo epen, juon ilju im jeklaj eo ekajoor lok, maron make kakke an aikuj im laplok an jeramman, juon lal eo ejeramman nan ro nejid im jibwid tokelik.
Naan in “Etal Tilperan E” ej juon naan eo ej bōktok juon katak aorōk, eo melelein bwe: jej aikuj in kejparok tokejen jerbal ko ad n̄an – manit eo ad, pelaak ko pelaakid, wōnm̗aanl̗o̗k ko – im jej aikuj kūkkim drāpiji. N̄e jenaaj jerwaane, innem jemarōn jerata. Summit in ej ien eo in n̄an adwoj kapen kallimur ko ad ilo pepe ko repen, im kaalikkar m̗akūtkūt im jerbal ko im renaaj kattori nan kejparok iliju im jekl̗aj eo ad.
Jej aikuj driwōj l̗o̗k jen Summit in kōn jet pepe im kōttōpar ko n̄an kajjojo laajrak ko ilo National Strategic Plan (M̗ōn̗akjen in Jerbal) eo im nan Agenda 2030 – en jab baj jet pepe ko raalikkar wōt ilo kōl̗menl̗o̗kjen̗ ak ren barenwōt em̗m̗akūt im bok jikier, ien eo em̗ōkaj tata. Em̗ōj an jem̗l̗o̗k im maat ien konono. Ien jerbal kio!
Kōttopar ko jemaron̄ lo tōprakiier ilo ijoko rej kwal̗o̗k kōn climate resilience, eddōk l̗o̗k ilo jeramman, im jokkin mour eo emman im jonan wot juon n̄an aolep armej.
Juon konono ilo jeje enej aikuj dedelok, ak Communique, eo ej kōm̗m̗an bwe jen drāpij wot kallimur in kenono ko ad im ededelok erra kaki, jekjek in juon ial ak roadmap eo ej kaalikkar wāwein ad maron̄ em̗m̗akūt maan waj ippen dron.
Ko-Kajoor l̗o̗k jem̗dron ko adwoj im rel̗l̗ap l̗o̗k ilo jerbal im jab ilo konono wōt, im maron̄ ukote nan jet ko renaj aurok kutiier, pedped ion ad jerbal ipan doon.
Ien in ad ippen doon, ak summit in, ej aikuj juon kakōl̗l̗e n̄an em̗m̗akūt, ak ien komakuti! Pad bajjok elap wonaan! Jej aikuj beran im lol̗l̗e ilo kālōt im pepe kein ad, n̄an lale bwe aolep bun̄tōn ko jej būki ren maron̄ kepaake l̗o̗k wot kej n̄an mejen kajjik eo ad – juon Marshall Islands eo e wamourur, eejmour im e jeramman!
Ij bar kakememej kom̗ bwe ilo ad jetn̄aake ien in el̗ap im aorōk, ilowan wiik in, jen kememej bwe eddo ko an ritel ro ejjab n̄an pukōt mejal̗an apan̄ ko rainiin wōt, ak rej bar loloodjake kallimur ko aer n̄an iliju im jekl̗aj eo eman. Ej ad m̗uri n̄an ajri ro, n̄an iliju eo an Aelōn̄ Kein, bwe jen kejparok ta ko raaorōk ipped. Jejjab maron̄ kōttar ro jet bwe ren m̗akūtkūt – jej aikuj peran ilo ad jet ritel.
Jejjab jet aelōn̄ ko reddrik wōt ak jej juon lal eo e uteej buruon kin history eo an im tobrak ko emoj an ro lok imaan komani ak kotopraki iumin epepen ko rellon rej motlok. Im kijean ilo epepen kein rej pad imaan jet ial im punten ko nan kwalok peran, kapeel, niknik im kijenmij ilo ad komani emakut in jej boke kio. Ippen dron, jemaron̄ jelm̗ae menin melijjon̄ ko kiō im ukōti n̄an jet menin jeramman ko remaron̄ letok ial̗ n̄an eddōk l̗o̗k im jeram̗m̗an nan lalin ad.
Enwōt juon ami President, ij jutak im pojak in koba waj ippen kajjojo iaami – aolep ro ilo jeban ko an kien, aolep Minister ro, rikwelok ro kajojo, aolep ritel jen aolep kajjojo aelōn̄, ri tel ro an Manit im Kapun ko- n̄an kalek juon iliju eo epojak nan na aikuj ko an aolep, eo jokkin wōt juon, im e kajoor im wamouruur.
Jen Em̗m̗akūt Kiō. Jen beran, im jen mour kōn naan in “Etal Tilperan E”.
Kommol Tata N̄an Aolep kin ippen dron in, jen jim̗or eāāiki juon iliju im jekl̗aj eo Marshall Islands emaron̄ mour jene im jab mour wōt kōn naan in “Ebwe jen ejjel̗o̗k”.
Kom kanuuj in emool.
