H.E. President David Kabua ear rejetake im na kitien pepa in jerbal ko an H.E. Ambassador Teimuraz Lezhava, jen Republic eo an Georgia tok nan Republic eo an Marshall Islands ilo kar kwelok eo ear komman imejetoto (ilo Zoom) rainin Mae 19, 2022 iloan room in kwelok eo an Cabinet.
Kobalok ippen President Kabua ilo ien kwelok in, ear bed Minister Casten N. Nemra im kab Minister Jemi Nashion, ekoba dri jerbal ro jen Opiij eo an President im kab Ministry eo an Foreign Affairs im Trade. President Kabua ear lelok an naan in iok-iokwe ko remenen tata nan Ambassador Lezhava, ekoba kejerammane ilo tore in jerbal kein an Ambassador rej bojen ijjino tok nan Republic in ad, ekoba kabine kin jerbal in burukuk ko an kien eo an Aelon Kein ippen kien en an Republic eo an Georgia, ko im renaaj maron lonaj im konmanlok wot bujen jemjera eo an lal kein ruo, nan jonak ko rekijnene lok wot. Mokta lok jen an Ambassador Lezhava kar ione President Kabua, ear kwelok mokta ippen Minister Nemra ilo aerro kar kenono kin tibrik in melele ko ikijeen jerbal in burukuk im wonmanlok ko ilju im jeklej ikotaan lal kein ruo.
Ambassador Lezhava ear ukote lok naan ko an President Kabua ilo an kwalok an kile im kammolol kin an President Kabua rejetake ijjiton in an, im bareinwot kallimur ke enaaj burukuk im kate jonan wot an maron, nan kokajur wot bujen jemjera eo an RMI/Georgia, iloan iio kein rej bedo tok bwe en wamourur. Ambassador Lezhava ear bareinwot kwalok ke ear lotok aelon kein jet iio ko remootlok, im bwe ej kanuij in monono im jeramman kin wewein ko ekar loi im ekatak jeni bareinwot, ilo kar ien lotok eo an nan aelon kein moktalok. “Ilo etan armej in Majel im Kien eo aer, ij lewaj ao naan in kejeramman eok ilo tore in jerbal kein am”, President Kabua ear ba.
JEMLOK//
